عمر نذیر کشمیری نے کہا ہے کہ حکومت نے ان کے تسلیم شدہ مطالبات پر ابھی تک عملدرآمد نہیں کیا۔ انہوں نے کہا کہ صحت کارڈ اور سٹی سکین جیسی بنیادی سہولیات تک فراہم نہیں کی جا سکیں جو انتہائی افسوسناک ہے۔ عمر نذیر کشمیری نے حکومت کی جانب سے انٹرنیشنل میڈیا نمائندوں کو روکنے اور انٹرنیٹ بند کرنے پر سخت ردعمل ظاہر کیا اور کہا کہ یہ اقدامات بہت سارے سنگین سوالات کو جنم دیتے ہیں۔ انہوں نے کہا کہ اگر حکومت کے اقدامات درست ہیں تو میڈیا اور انٹرنیٹ بند کرنے کی کیا ضرورت ہے؟ یہ بیان آزاد کشمیر کی موجودہ صورتحال میں ایک اہم سوال کھڑا کرتا ہے کہ حکومت آخر کیا چھپانا چاہتی ہے۔
