اسلام آباد میں پی ٹی آئی کے احتجاج سے نمٹنے کے لیے کیے گئے سکیورٹی انتظامات کے اخراجات میں احتجاج مؤخر ہونے کے باعث اضافے کا امکان ہے۔
ڈان نیوز کی رپورٹ کے مطابق وفاقی دارالحکومت میں احتجاج کے لیے ایک ہزار پانچ سو پچاس کنٹینرز کا انتظام کیا گیا ہے۔
رپورٹ کے مطابق کنٹینرز کے مالکان کو روزانہ چار کروڑ پینسٹھ لاکھ روپے کرائے کی مد میں ادا کیے جانے ہیں۔ ایک ہفتے کے لیے کنٹینرز کا کرایہ تقریباً بتیس کروڑ پچپن لاکھ روپے جبکہ دو ہفتوں کا کرایہ پینسٹھ کروڑ دس لاکھ روپے بنتا ہے۔
پولیس ذرائع کے مطابق احتجاج کے لیے وفاقی دارالحکومت کی پولیس نے پہلے ہی سکیورٹی انتظامات کی مد میں تقریباً بیاسی کروڑ روپے کی رقم طلب کی تھی، تاہم احتجاجی مارچ تقریباً ایک ہفتے کے لیے مؤخر ہونے کے بعد مجموعی اخراجات ایک ارب روپے سے تجاوز کرنے کا امکان ظاہر کیا گیا ہے۔
رپورٹ کے مطابق پولیس نے احتجاج کے لیے پنجاب اور سندھ سے اضافی نفری طلب کی تھی، جبکہ اہلکاروں کے قیام، کھانے، ٹرانسپورٹ اور دیگر سکیورٹی انتظامات کے اخراجات بھی مجموعی رقم میں شامل ہیں۔
پی ٹی آئی نے اپنا اسلام آباد لانگ مارچ ستائیس ستمبر سے مؤخر کرکے چار اکتوبر کو کرنے کا اعلان کیا ہے، جس کے باعث پہلے سے کیے گئے سکیورٹی انتظامات کی مدت بڑھنے سے اخراجات میں مزید اضافہ متوقع ہے۔
ڈان نیوز کی رپورٹ کے مطابق وفاقی دارالحکومت میں احتجاج کے لیے ایک ہزار پانچ سو پچاس کنٹینرز کا انتظام کیا گیا ہے۔
رپورٹ کے مطابق کنٹینرز کے مالکان کو روزانہ چار کروڑ پینسٹھ لاکھ روپے کرائے کی مد میں ادا کیے جانے ہیں۔ ایک ہفتے کے لیے کنٹینرز کا کرایہ تقریباً بتیس کروڑ پچپن لاکھ روپے جبکہ دو ہفتوں کا کرایہ پینسٹھ کروڑ دس لاکھ روپے بنتا ہے۔
پولیس ذرائع کے مطابق احتجاج کے لیے وفاقی دارالحکومت کی پولیس نے پہلے ہی سکیورٹی انتظامات کی مد میں تقریباً بیاسی کروڑ روپے کی رقم طلب کی تھی، تاہم احتجاجی مارچ تقریباً ایک ہفتے کے لیے مؤخر ہونے کے بعد مجموعی اخراجات ایک ارب روپے سے تجاوز کرنے کا امکان ظاہر کیا گیا ہے۔
رپورٹ کے مطابق پولیس نے احتجاج کے لیے پنجاب اور سندھ سے اضافی نفری طلب کی تھی، جبکہ اہلکاروں کے قیام، کھانے، ٹرانسپورٹ اور دیگر سکیورٹی انتظامات کے اخراجات بھی مجموعی رقم میں شامل ہیں۔
پی ٹی آئی نے اپنا اسلام آباد لانگ مارچ ستائیس ستمبر سے مؤخر کرکے چار اکتوبر کو کرنے کا اعلان کیا ہے، جس کے باعث پہلے سے کیے گئے سکیورٹی انتظامات کی مدت بڑھنے سے اخراجات میں مزید اضافہ متوقع ہے۔
