محمود خان اچکزئی نے ملک کی موجودہ سیاسی صورتِ حال پر تشویش کا اظہار کرتے ہوئے عوام اور سول سوسائٹی سے جمہوریت کے تحفظ کے لیے کھڑے ہونے کی اپیل کی ہے۔ ان کا کہنا تھا کہ ملک کو نقصان پہنچانے والے اقدامات کے خلاف آواز اٹھانا ہر اس شہری کی ذمہ داری ہے جسے پاکستان اور جمہوریت عزیز ہے۔
اپنے بیان میں محمود خان اچکزئی نے موجودہ صورتِ حال کو ایک بڑا حملہ قرار دیتے ہوئے کہا کہ تمام لوگوں کو مل کر اس کے خلاف کھڑا ہونا چاہیے۔ انہوں نے سول سوسائٹی اور عوام سے اپیل کی کہ وہ ملک اور جمہوری اقدار کے تحفظ کے لیے اپنا کردار ادا کریں۔
محمود خان اچکزئی نے خیبر پختونخوا کے نوجوانوں سے بھی مخاطب ہوتے ہوئے کہا کہ جن اضلاع میں ایمرجنسی نافذ نہیں کی گئی اور جہاں ان کے بقول گورنر راج جیسے اقدامات مسلط نہیں کیے گئے، وہاں نوجوان اپنی جمہوری جدوجہد اور تحریک جاری رکھیں۔
