وزیر داخلہ محسن نقوی نے خواتین کو آن لائن بلیک میلنگ کے واقعات سے خبردار کرتے ہوئے کہا ہے کہ ایسے کئی کیسز سامنے آ رہے ہیں جن میں خواتین اپنی تصاویر اور ویڈیوز شیئر کرنے کے بعد بلیک میلنگ کا شکار ہو رہی ہیں۔
محسن نقوی نے خواتین سے اپیل کی کہ وہ اپنی تصاویر اور ویڈیوز کسی کے ساتھ شیئر نہ کریں۔ انہوں نے اپنے پیغام میں خواتین کو مخاطب کرتے ہوئے کہا کہ وہ ذاتی نوعیت کا مواد شیئر کرنے میں احتیاط کریں تاکہ ممکنہ طور پر اس کے غلط استعمال سے بچا جا سکے۔
آن لائن بلیک میلنگ ذاتی معلومات اور تصاویر کے غلط استعمال سے جڑا ایک سنگین مسئلہ ہے۔ محسن نقوی کے بیان میں خواتین کو اس خطرے سے آگاہ کرنے اور اپنی نجی معلومات کی حفاظت کرنے پر زور دیا گیا ہے۔
