نواز شریف کا علاج لندن میں ہوا تو عمران خان کو بھی علاج کی سہولت ملنی چاہیے: ابرار قریشی

فاقی وزیر قانون و انصاف اعظم نذیر تارڑ کے عمران خان کو شفا انٹرنیشنل اسپتال منتقل کرنے کے سپریم کورٹ کے فیصلے پر ازسرنو جائزے سے متعلق بیان پر ابرار قریشی نے ردعمل دیا ہے۔
ابرار قریشی نے طنزیہ انداز میں کہا:
"جی بالکل تارڑ صاحب کیونکہ نواز شریف صاحب کا علاج بھی سرگودھا کی تحصیل لندن میں موجود ہارلے اسٹریٹ کلینک میں ہوا تھا۔"

ابرار قریشی کے بیان میں نواز شریف کے لندن میں علاج کا حوالہ دیتے ہوئے عمران خان کے علاج کے معاملے پر حکومتی مؤقف کو تنقید کا نشانہ بنایا گیا ہے۔
یہ بیان سوشل میڈیا اور سیاسی حلقوں میں جاری بحث کا حصہ بن گیا ہے، جہاں عمران خان کے علاج اور انہیں شفا انٹرنیشنل اسپتال منتقل کرنے کے عدالتی فیصلے پر مختلف آرا سامنے آ رہی ہیں۔