سینئر صحافی اور تجزیہ کار ارشاد بھٹی نے سوال اٹھایا ہے کہ کیا سابق انگلش کپتان اور معروف کمنٹیٹر مائیکل ایتھرٹن کو عمران خان کے بیٹوں قاسم خان اور سلیمان خان کا اسکائی اسپورٹس پر انٹرویو کرنے کی وجہ سے پاکستان کا ویزا نہیں دیا گیا؟ ارشاد بھٹی نے سوشل میڈیا پر اپنے بیان میں اس معاملے پر وضاحت طلب کی ہے۔
یہ معاملہ اس وقت زیرِ بحث آیا جب مائیکل ایتھرٹن اور ناصر حسین کے نام پاکستان، انگلینڈ اور سری لنکا کے درمیان ہونے والی ون ڈے ٹرائی سیریز کے کمنٹری پینل میں شامل نہیں تھے۔ دستیاب میڈیا رپورٹس کے مطابق، دونوں سابق انگلش کپتان اس سیریز کے لیے اعلان کردہ کمنٹری ٹیم کا حصہ نہیں ہیں۔
ارشاد بھٹی نے یہ سوال بھی اٹھایا کہ کیا ایتھرٹن کو ویزا نہ ملنے کے بعد ناصر حسین نے بھی ٹرائی سیریز میں کمنٹری کے لیے پاکستان آنے سے معذرت کر لی؟ تاہم دونوں کمنٹیٹرز کی عدم موجودگی اور ویزا کے معاملے کے درمیان تعلق کی سرکاری طور پر تصدیق نہیں ہوئی، جبکہ پاکستان کرکٹ بورڈ نے بھی کمنٹری پینل سے ان کے نام خارج ہونے کی وجہ واضح نہیں کی۔
