اپوزیشن لیڈر محمود خان اچکزئی نے ملک کی موجودہ سیاسی صورتحال اور مذاکرات کے حوالے سے اہم بیان دیا ہے۔
محمود خان اچکزئی نے کہا:
اچھا ماحول پیدا ہو جاتا ہے لیکن پتہ نہیں کون اسے سبوتاژ کر دیتا ہے۔ مذاکرات کی اچھی فضا کو جان بوجھ کر سبوتاژ کیا جاتا ہے، کچھ عناصر نہیں چاہتے کہ حالات بہتری کی طرف جائیں اور وہ اس اچھی فضا کو خراب کرنے پر تلے ہوئے ہیں۔
انہوں نے کہا کہ پارٹی نے کارکنوں کو ہدایت کی تھی کہ کوئی اسپتال نہیں جائے گا، تاہم رات کے واقعات نے کئی سوالات کھڑے کر دیے۔
محمود خان اچکزئی کے مطابق:
ڈاکٹر فیصل سلطان اور ڈاکٹر عظمیٰ خان کو ایک کمرے میں بند کر دیا گیا۔ پورا پاکستان پریشان ہے کہ یہ کیا ہو رہا ہے۔
اپوزیشن لیڈر نے مذاکرات کے لیے سازگار ماحول کو برقرار رکھنے پر زور دیتے ہوئے کہا کہ بعض عناصر کی جانب سے مبینہ طور پر حالات خراب کرنے کی کوششیں کی جا رہی ہیں۔
محمود خان اچکزئی کے بیان کے بعد سیاسی حلقوں میں مذاکرات، عمران خان کے ہسپتال سے متعلق واقعات اور موجودہ سیاسی صورتحال پر مزید بحث شروع ہوگئی ہے۔
