پٹرولیم مصنوعات کی قیمتوں میں مسلسل اضافہ، ڈیزل 59 اور پٹرول 15 روپے مہنگا ہوا: ثاقب بشیر

صحافی ثاقب بشیر نے پٹرولیم مصنوعات کی قیمتوں میں مسلسل اضافے پر سوال اٹھاتے ہوئے کہا ہے کہ 17 جولائی سے روزانہ پٹرولیم کی قیمتوں کا تعین کیا جا رہا ہے۔

ان کے مطابق 17 جولائی کو ڈیزل کی قیمت 323 روپے فی لیٹر تھی جو اب 59 روپے اضافے کے بعد 382 روپے فی لیٹر ہوگئی ہے۔ اسی طرح پٹرول کی قیمت 17 جولائی کو 310 روپے فی لیٹر تھی جو 15 روپے اضافے کے بعد 325 روپے فی لیٹر تک پہنچ گئی ہے۔
ثاقب بشیر کا کہنا ہے کہ قیمتوں میں مجموعی طور پر کمی کا کوئی واضح رجحان نظر نہیں آ رہا، بلکہ ایک دن معمولی کمی کے بعد اگلے دن زیادہ اضافہ کر دیا جاتا ہے۔