خواجہ فاروق کی تحریکِ التوا، راولاکوٹ اور میرپور کے واقعات پر اسمبلی میں آج اہم بحث متوقع

آزاد کشمیر قانون ساز اسمبلی میں پی ٹی آئی کے پارلیمانی لیڈر اور سابق قائدِ حزبِ اختلاف خواجہ فاروق نے ہنگامی اجلاس کے دوران راولاکوٹ اور میرپور کے حالیہ واقعات پر فوری بحث کے لیے تحریکِ التوا جمع کرا دی ہے۔ ان کی درخواست ہے کہ اسمبلی کی معمول کی کارروائی روک کر ان واقعات پر تفصیلی غور کیا جائے۔
اب سیاسی توجہ حکمران جماعت پاکستان پیپلز پارٹی کے مؤقف پر مرکوز ہے۔ یہ دیکھنا اہم ہوگا کہ آیا حکمران جماعت اس تحریک کی حمایت کرتی ہے یا اس کی مخالفت، جبکہ اسمبلی میں حکومت کی جانب سے پیش کی جانے والی ممکنہ قراردادیں بھی سیاسی طور پر اہم سمجھی جا رہی ہیں۔