پاکستان میں ذہنی امراض سے متاثرہ افراد کی تعداد تین کروڑ بیس لاکھ چالیس ہزار سے تجاوز کر گئی ہے۔ وزارت صحت کی جانب سے قومی اسمبلی میں پیش کیے گئے گلوبل برڈن آف اسٹڈیز کے اعدادوشمار میں ملک میں ذہنی صحت سے متعلق صورتحال کی نشاندہی کی گئی ہے۔
پیش کردہ اعدادوشمار کے مطابق ملک بھر میں رجسٹرڈ ماہرین نفسیات کی تعداد صرف ایک ہزار پچاس ہے۔ ذہنی امراض سے متاثرہ افراد کی بڑی تعداد کے مقابلے میں ماہرین کی یہ تعداد ذہنی صحت کی خدمات کی دستیابی سے متعلق اہم سوالات اٹھاتی ہے۔
یہ اعدادوشمار ذہنی صحت کے شعبے میں علاج، تشخیص اور ماہرین تک رسائی کی اہمیت کو اجاگر کرتے ہیں۔ ذہنی صحت کے مسائل سے نمٹنے کے لیے آگاہی، بروقت تشخیص اور مناسب طبی سہولیات کی فراہمی اہم سمجھی جاتی ہے۔
