عمران خان کے عروج کے وقت معلوم تھا کہ وہ ایک دن جیل میں ہوگا، آج کے حکمرانوں کا انجام بھی واضح ہے: حفیظ اللہ نیازی

تجزیہ کار حفیظ اللہ نیازی نے عمران خان، موجودہ حکمرانوں اور ملک کی سیاسی صورتحال کے حوالے سے اہم پیش گوئی کی ہے۔
حفیظ اللہ نیازی نے کہا کہ "مجھے عمران خان کے عروج کے وقت معلوم تھا کہ وہ ایک دن جیل میں ہوگا"۔

انہوں نے موجودہ حکمرانوں کے بارے میں بھی اپنے مؤقف کا اظہار کرتے ہوئے کہا کہ انہیں آج کے حکمرانوں کے حوالے سے بھی عین الیقین، یعنی روزِ روشن کی طرح عیاں ہے کہ، اللہ نہ کرے، اقتدار ختم ہونے کے بعد وہ جیل میں ہوں گے۔
حفیظ اللہ نیازی نے مزید کہا کہ ادارے کے آج کے کرتا دھرتا بھی پریشانیوں کے چنگل میں ہوں گے۔

انہوں نے اپنے بیان کے اختتام پر دعا کرتے ہوئے کہا:
"اللہ تعالیٰ اس ملک اور عوام الناس پر رحم و کرم کرے، اسے شر سے بچائے، خیر سے نوازے۔"
حفیظ اللہ نیازی کا یہ بیان ملک کی موجودہ سیاسی صورتحال اور حکمرانوں کے مستقبل کے حوالے سے ایک سخت سیاسی تجزیے کے طور پر سامنے آیا ہے۔